УЧЕНИЦИ ОД СРЕДНОТО МЕДИЦИНСКО УЧИЛИШТЕ „Д-Р ЈОВАН КАЛАУЗИ“ ВО ПОСЕТА НА „АЏИБАДЕМ СИСТИНА“
Учениците од Општинското средно медицинско училиште ,,Д-р Јован Калаузи” од Битола остварија традиционална посета на Клиничката болница „Аџибадем Систина“. Во рамки на посетата беа опфатени учениците од IV година – медицински сестри и акушерки, како и учениците од III година од насоката фармацевтски техничари.
За време на посетата, учениците имаа можност да се запознаат со работата во болницата, современата технологија и персоналот, а беа и дел од едукативно предавање во амфитеатарот на болницата. Идните медицински сестри и акушерки ги посетија и се запознаа со работата на ургентниот центар за деца и возрасни, амбулантските одделенија, стационарите, додека фармацевтските техничари се запознаа со работата на болничката аптека и Одделот за дијагностички лаборатории.
„Воодушевени сме од капацитетите, можностите, начинот на работа и технологијата што ја поседува болницата, медицинските услуги и примената на најсовремените протоколи при лекувањето на пациентите. Нам како идни медицинари овие посети ни се од големо значење“, споделија учениците.
Посетата на учениците од Општинското средно медицинско училиште „Д-р Јован Калаузи” од Битола е дел од нивната наставна програма.
![meditsinari](https://acibademsistina.mk/wp-content/uploads/2023/05/meditsinari1-1024x538.png)
![meditsinari](https://acibademsistina.mk/wp-content/uploads/2023/05/meditsinari2-1024x538.png)
![meditsinari](https://acibademsistina.mk/wp-content/uploads/2023/05/meditsinari3-1024x538.png)
![meditsinari](https://acibademsistina.mk/wp-content/uploads/2023/05/meditsinari-4-1024x538.png)
![meditsinari](https://acibademsistina.mk/wp-content/uploads/2023/05/meditsinari-5-1024x538.png)
![meditsinari](https://acibademsistina.mk/wp-content/uploads/2023/05/meditsinari-6-1024x538.png)
![meditsinari](https://acibademsistina.mk/wp-content/uploads/2023/05/meditsinari-7-1024x538.png)