Во организација на Клиничката болница „Аџибадем Систина“, Здружение на лекари по анестезиологија, реанимација и интензивно лекување и Катедрата за анестезија викендов се одржа работилница на тема „Примена на ултразвукот во анестезија и интензивно лекување“.

Топло добредојде и успешна работилница на присутните гости им посака д-р Владимир Аврамовски, помошник директор на медицинскиот директор во „Аџибадем Систина“.

Настанот го одбележаа бројни предавања и работилници од доктори од земјава и странство, кои предизвикаа интерес за плодни и успешни дебати меѓу присутните гости.

Од Клиничката болница „Аџибадем Систина“ со свои предавања се претставија доц. д-р Дарко Саздов, доц. д-р Лилјана Малиновска-Николовска, д-р Билјана Лозановска, додека во работилниците беа вклучени и д-р Златана Петковска, д-р Ивана Јовановска-Христова, д-р Александар Божиновски и д-р Бети Костадиновска-Јорданоска.

Свои предавања на работилницата имаа и проф. д-р Глигор Гучев, д-р Eмил Босинчи и д-р Филип Наумовски. Работилницата беше акредитирана од МЛД и ЛКСРМ, а предвидено е истата традиционално да се одржува секоја наредна година.