Од 24 до 27 април 2025 година на Интернационалниот балкански универзитет во Скопје се одржа конгрес организиран од  Асоцијацијата на доктори специјалисти по анестезија и реанимација (ARUD), IX балкански денови на анестезијата. Тема на годинешниот конгрес беше „Подготвеност при катастрофи во анестезија и интензивно лекување“.  Како поканети предавачи во научната програма, нашата болница ја претставуваа медицинската сестра за едукации и тренинзи, Андроники Бибовска и  д-р мед.науки Дарко Саздов, специјалист по анестезија, реанимација и интензивно лекување. Андроники одржа предавање на тема: „Проценки и менаџмент на ризици во операционите сали“, а д-р Саздов зборуваше на тема: „Симулациски тренинзи и подготвеност на медицинските сестри во менаџирање на катастрофи“.

Во рамки на конгресот се одржаа и две работилници, првата на тема „Анестезија со низок проток на гасови“, а втората „Блокади во регионална анестезија“. Работилниците беа посетени од повеќе млади доктори од КБ „Аџибадем Систина“, кои зедоа практично учество во нив. Презентациите на нашите претставници предизвикаа голем интерес и дискусија, а д-р Саздов и сестра Андроники добија покани од соседните земји за одржување на предавања на теми поврзани со подготвеноста на медицинските сестри при вонредни состојби и катастрофи.

Клиничка болница „Аџибадем Систина“ вложува постојано во растот и развојот на секој поединец во болницата, нашите медицински сестри и доктори ги посетуваат сите настани поврзани со споделување на знаења и искуства, стремејќи се кон подобрување на процесите на работа и подготвеноста за справување со секоја непредвидена ситуација.