Вработените во „Аџибадем Систина“ даруваа 160 единици крв
14.10.2017
Повеќе од 160 вработени учествуваа во крводарителската акција на Клиничката болница „Аџибадем Систина“ организирана во соработка со општинската организација на Црвен крст-Карпош и Институтот за трансфузиона медицина.
Акцијата се одржа во амфитеатарот на болницата каде вработените преку дарувањето на крв уште еднаш ја покажаа својата хуманост и солидарност.
Горди сме што ова е досега најмасовната крводарителска акција во која беа дарувани 160 единици крв.