По операцијата, фудбалерот на ФК „Вардар“ Горан Попов се враќа на терените
По една година неизвесност дали ќе може да продолжи со својата фудбалска професионална кариера, Горан Попов во „Аџибадем Систина“ го реши својот најголем проблем. Успешно е направена операција на неговото колено од страна на д-р Михајло Ивановски и хируршкиот тим. Станува збор за повреда која многу често се јавува кај спортистите, повреда на менискусот и постојани болки и отоци во коленото.
„Не постои начин на кој би можел да му се заблагодарам на д-р Ивановски и целиот тим на доктори, медицински сестри и физиотерапевти кои се грижеа за мене за време на престојот во ‘Аџибадем Систина’. Тие се најзаслужни што за кратко време повторно застанав на нозе и што многу скоро ќе можам да се вратам на фудбалскиот терен.
Д-р Ивановски ми беше најголемата поддршка во текот на целиот процес. Јас цели 6 месеци се мачев со оваа повреда. По секој натпревар имав голем оток, не можев ниту да ја свиткам ногата и бев принуден да одморам по неколку дена само за да можам повторно да застанам на нозе. Презадоволен сум од д-р Ивановски и д-р Илиев, и од тоа колку успешно ми ја санираа повредата“, вели Горан Попов.
Фудбалерот Попов само ден по опрацијата можеше да застане на двете нозе и да се движи без тешкотии. Не го криеше задоволството што зад себе остави голем проблем кој можеше сериозно да стави крај на неговата успешна фудбалска кариера. Д-р Михајло Ивановски вели дека и во следниот период внимателно ќе го следи неговото заздравување. Вели дека за сите негови пациенти е отворен и достапен да разговара за нивното здравје.
„Операцијата помина одлично и Горан уште следниот ден по интервенцијата веќе можеше да застане на нозе и да прави кратки прошетки. Тоа се должи на неговата одлична кондиција и мускулна маса, кои несомнено ќе го забрзаат целиот процес на заздравување за Горан да може да се врати на спортските активности за околу 6-8 недели. Потребна ќе биде физикална терапија и уште еден PRP-третман пред Горан да се врати на терените со полна пареа, но тоа е само прашање на време“ – вели д-р Михајло Ивановски.
Случајот на Попов е уште една во низата успешни приказни што ги реализираше стручниот тим на доктори од Клиничката болница „Аџибадем Систина“. Мултидициплинарниот пристап во лекувањето ја прави оваа болница уникатна и најдобра во регионот.