Во Клиничката болница „Аџибадем Систина“ на 11 и 12 јули се извршија бесплатни педијатриски прегледи. Во овие два дена, над 20 деца имаа можност да добијат детален кардиолошки и ехо преглед од докторите од одделот за детска кардиохирургија, д-р Јорданка Маџоска и д-р Весна Трпковска.

„Аџибадем Систина“ овозможува изведување на најсовремени дијагностички процедури, со опрема од најновата генерација, со што децата добиваат исклучителна грижа, брза дијагноза и ефикасен третман.

Поради голем интерес, бесплатните прегледи ќе се изведуваат и на 16 и 17 јули, а предвидени се и за во месец август. Иницијативата е дел од определбата на болницата постојано да биде столб за одржување на здравјето на сите пациенти.

Сите кардиохируршки услуги кај децата во Клиничката болница „Аџибадем Систина“ се покриени од Фондот за здравствено осигурување.