„АЏИБАДЕМ СИСТИНА“ СО СВОИ ПРЕТСТАВНИЦИ ВО НОВОТО ЗДРУЖЕНИЕ НА МЕДИЦИНСКИ СЕСТРИ ЗА АНЕСТЕЗИЈА, РЕАНИМАЦИЈА И ИНТЕНЗИВНА НЕГА
На 10 декември во Скопје се одржа првата стручна средба на новоформираното Македонско здружение на медицински сестри на анестезија, реанимација и интензивна нега (МЗМСАРИН). Здружението е професионално, национално, неполитичко, доброволно и независно, а формирано со цел да ги обедини сите медицински сестри/техничари кои работат на одделите за анестезија, реанимација и интензивна нега од сите државни и приватни медицински установи во Македонија.
![NASLOVNA](https://acibademsistina.mk/wp-content/uploads/2022/12/NASLOVNA-1-1024x538.jpg)
Основоположници на здружението се пет медицински сестри, кои својата идеја во рок од неколку месеци ја реализираа со прв стручен собир на кој се споделија плановите и целите на МЗМСАРИН за наредниот период.
![ZDRUZENIE](https://acibademsistina.mk/wp-content/uploads/2022/12/ZDRUZENIE-1-1024x538.jpg)
Клиничка болница „Аџибадем Систина“ има две медицински сестри во Управниот одбор на здружението и покрај претседателката Јулијана Казанџиска, потпретседателката Билјана Момчиловиќ и Љубица Спирковска, дел од основачкиот тим се и одговорната сестра на Одделот за анестезија во „Аџибадем Систина“, Марина Николоска и медицинската сестра за едукации и обуки, Андроники Бибовска.
![AS ZDRUZENIE](https://acibademsistina.mk/wp-content/uploads/2022/12/AS-ZDRUZENIE-1024x538.jpg)
На стручната средба присуствуваше и претседателката на Здружението на лекари по анестезија, реанимација и интензивно лекување доц. д-р Весна Дурнев, која имаше свое излагање на стручна тема и повика на заемна соработка помеѓу двете здруженија. На настанот беа присутни и голем број колешки и колеги од нашата болница, покажувајќи огромен интерес за натамошните активности во здружението.
![ZDR](https://acibademsistina.mk/wp-content/uploads/2022/12/ZDR1-1024x538.jpg)