Клиничката болница „Аџибадем Систина“ го зголеми нивото на превенција во однос на мутираните форми на вирусот SARS – CoV- 2 односно корона вирусот. Во молекуларната лабораторија на болницата постои тест кој ги опфаќа и детектира и новонастанатите мутации на вирусот. Болницата покрај класичната детекција на вирусот, располага и со современа технологија со која го детектира и специфичниот ген на таканаречената британска мутација на вирусот. Секој пациент кај кој симптомите клинички укажуваат на присуство на вирусот, а вообичаениот тест не е позитивен, тој ќе може да биде подложен на дополнителна лабораториска анализа и тестирање кое го опфаќа и новиот поттип на мутирана форма на Ковид-19 секако по консултација и препорака со инфектолог. Тестирањата ќе се применуваат исклучително за хоспитални пациенти односно пациенти кои имаат потреба од хоспитализација, а се клинички високо суспектни за Ковид-19.