Проф. Д-р Николиќ стана академик на Меѓународната словенска академија на науки, уметности и култура
Проф. Д-р Александар Николиќ, кардиохирург во Клиничката болница “Аџибадем Систина” е избран за нов член на Меѓународната словенска академија на науките уметностите и културата. Проф. д-р Николиќ станува дел од престижната академија поради значајниот научен придонес во медицината. Кардихириргот д-р Николиќ е еден од ретките и прв во регионот кој вгради вештачко срце кај пациенти, а тој беше дел и од тимот кој првпат во Македонија трансплантираше срце од донор на пациент кој сега доби нова шанса за живот. Собранието на Меѓународната словенска академија на науките, уметностите и културата го избра проф д-р Николиќ за акадамик на последница седница која се одржа во Москва. Николиќ е дел од Клиничката болница „Аџибадем Систина“ и на наше тло е најдобриот во областа, еден од пионерите со најновите достигнувања во цел регион за што сега овој избор е своевиден доказ. Тоа е и признание за сиот успех. Во 2018 година со вградувањето на две вештачки срца, Николиќ практично изведе операција која впрочем е една од петте најголеми достигнувања на каридоваскуларната медицина.
![NIKOLIC NIKOLIC](https://acibademsistina.mk/wp-content/uploads/2020/12/NIKOLIC.png)
Николиќ потекнува од докторско семејство, целиот професионален живот го посветил на кардиохирургијата. Во годината што изминува беше дел од тимот кој во Македонија пресади срце, за што беше и дополнително награден со наградата 13 Ноември на Град Скопје.
извор – новости