Поради голем интерес и одзив во Клиничката болница „Аџибадем Систина“ по четврти пат годинава успешно се реализираше уште една крводарителска акција. И овој пат акцијата беше спроведена заедно со општинската организација на Црвен крст – Карпош и Институтот за трансфузиона медицина.

На оваа акција уште еднаш е покажана и докажана хуманоста на вработените во Клиничката болница „Аџибадем Систина“, бидејќи во околности на дејствување со заштита од коронавирусот сепак крводарителите несебично се одзваа во голем број и даруваа уште 42 крвни единица.

Вкупно годинава дарувани се над 300 крвни единици во четирите крводарителски акции. За време на крводарителската акција се почитуваа сите мерки и безбедносни протоколи за комплетна заштита од SARS-CoV-2 вирусот.

Крводарителите беа поделени во групи со цел одржување физичко растојание и задолжително носеа лична заштита на лицето, заштитна маска. Во претходните крводарителски акции, покрај вработените од „Аџибадем Систина“, свој придонес дарувајќи крв дадоа и вработените од „Орка холдинг“.