Д-Р МАЛИНОВСКА-НИКОЛОВСКА И Д-Р ЛОЗАНОВСКА, ПРЕТСТАВНИЦИ ОД „АЏИБАДЕМ СИСТИНА“ НА ЕДУКАЦИЈА НА ТЕМА „МАЈКА И ДЕТЕ“
Во организација на Универзитетот „Св. Кирил и Методиј“, Здружението на лекари по анестезија, реанимација и интензивно лекување, Медицинскиот факултет и СЕЕА, викендов во Дојран се одржа постдипломска едукација по анестезија на тема „Мајка и дете“. Претставници од Клиничката болница „Аџибадем Систина“ на оваа едукација беа: доц. д-р Лилјана Малиновска-Николовска и д-р Билјана Лозановска, специјалисти по анестезиологија и интензивно лекување.
Доц. д-р Малиновска-Николовска имаше предавање на тема „Анестезија за некардијална хирургија кај деца со вродени срцеви мани“, а д-р Лозановска предаваше на тема: „Краниоцеребрални повреди кај деца“.
Клиничката болница „Аџибадем Систина“ продолжува активно да учествува во наставно-научната и образовната дејност во земјава и надвор од неа.