Takim ekspertësh në fushën e kardiokirurgjisë

Spitali klinik ‘Acibadem Sistina’ organizon një takim ekspertësh me temë ‘Avancimet moderne në kardiokirurgji’. Takimi do të mbahet sot (12.11.2014) në Shtip, duke filluar nga ora 14:00. Lektorët e ‘Acibadem Sistina’ do të jenë Prof. Dr. Salis Taxher, kardiokirurg, Dr. Oliver Bushljetiq, kardiolog intervent. Arritjet më të reja në kardiokirurgji do të prezantohen para doktorëve të Maqedonisë Lindore.

Kjo është një ndër takimet e para eksperte mbi temën e kardiokirurgjisë të cilat janë pjesë e Konferencës Rajonale për kardiokirurgji, e organizuar nga ana e Spitalit klinik ‘Acibadem Sistina’. Takimi i ardhshëm i ekspertëve do të mbahet me datë 03.12.2014 në Mavrovë. Takimi është i akredituar nga Shoqata Mjekësore e Republikës së Maqedonisë.