Spitali klinik “Acibadem Sistina” organizoi ekzaminime dermoskopike falas të nishaneve për vitin e tetë radhazi
Muaji maj është muaji i ndërgjegjësimit të publikut për zbulimin e hershëm të kancerit të lëkurës. Me rastin e muajit të melanomës në Spitalin klinik “Acibadem Sistina” për pacientët e tij janë organizuar dhe janë realizuar 100 ekzaminime falas të nishaneve. Me zbulimin e hershëm të ndryshimeve të dyshimta në lëkurë në fazën më të hershme të sëmundjes shanset për shërim janë më të larta dhe rriten deri në 100%, thonë dermatologët.
![Slika](https://acibademsistina.mk/wp-content/uploads/2023/05/Slika-2-1024x683.jpg)
“Çdo vit marrim pjesë në mënyrë aktive në aksionin ‘Euromelanoma’ duke ofruar ekzaiminime falas për qytetarët në një të shtunë të muajit maj. Ky aksion ka karakter parandalues, por më i rëndësishëm është aspekti simbolik për alarmim për rrezikun e shfaqjes së kancerit më të rrezikshëm të lëkurës- melanoma dhe për zbulimin e hershëm dhe trajtimin. Në spitalin klinik ‘Acibadem Sistina’ këto ekzaminime kryhen me teknikën më bashkëkohorë të dermoskopisë digjitale Mole max HD, e cila mundëson skriningun e saktë dhe diagnozën e hershme të karcinomës së lëkurës”. Nëse zbulohet në kohë, shanset për shërim dhe mbijetesë janë më të mëdha”, tha Prof. Dr. Andrej Petrov, dermatovenerolog,
![Slika](https://acibademsistina.mk/wp-content/uploads/2023/05/Slika-1-1024x683.jpg)
Ky aksion tradicionalisht shënohet për vitin e tetë radhazi në Departamentin e dermatovenerologjisë dhe dermatologjisë estetike në Spitalin klinik “Acibadem Sistina” si pjesë e fushatës ndërkombëtare “Euromelanoma” e cila ka për qëllim ndërgjegjësimin e publikut për kancerin e lëkurës dhe promovimin e praktikës për zbulimin e hershëm.