Momente të vështira, momente pasiguri, frikë, me këto fjalë njëzet e tetë vjeçarja Gjunul nga Gostivari përshkuan përvojën e saj me shtatzëninë e saj të dytë, të cilën, siç thotë ajo, do ta mbajë mend gjatë gjithë jetës. Në fillim asgjë nuk tregonte se kishte ndonjë problem deri në momentin kur ajo hyri në muajin e tetë të shtatzënisë dhe filloi të ndjente dhimbje në pjesën e barkut dhe ka vërejtur ënjtje në këmbët. Për shkak të këtyre simptomave, së bashku me bashkëshortin e saj kanë vendosur që menjëherë të kërkojnë ndihmë mjekësore dhe pa u menduar kanë shkuar në “Acibadem Sistina”.

LINDJE E PARAKOHSHME ME OPERACION URGJENT CEZARIAN

Doc. Dr. Kornelija Trajkova ka qenë kujdestare dhe e ka pranuar pacienten në Departamentin e Gjinekologjisë dhe Obstetrikës. Për shkak të gjendjes serioze e ka njoftuar pacienten se duhet të shtrohet në spital.

 “Isha e tmerruar, nuk e dija se çka po ndodhte. Nuk kisha asnjë problem në shtatzëni, asnjë shenjë, gjithçka ndodhi papritur, por isha gati për çdo gjë, vetëm të përfundojë mirë. Pas pranimit, Dr. Trajkova monitoroi gjendjen time, ajo më shpjegoi se duhet të më bëjnë lindje me operacion cezarian. Ky lajm ishte shumë stresues për mua, por  më duhej të isha e fortë për veten dhe vogëlushin tim, sepse nuk kisha zgjidhje tjetër”, thotë Gjunul.

Vetëm disa orë pas pranimit në departament janë bërë të gjitha analizat dhe analizat e nevojshme. Mjekja Trajkova thotë se janë konstatuar probleme me fetusin dhe duhet të reagohet menjëherë.

Në Departamentin e Gjinekologjisë dhe obstetrikës, pacienten kemi pranuar në një gjendje të mirë të përgjithshme në javën e 31 të gestacionit. Gjatë ekzaminimit ultrasonografik është detektuar ngecja në zhvillimin e frytit dhe mungesa e lëngut amniotik. Për seriozitetin e gjendjes dhe nevojën për shtrirje e kam njoftuar pacienten. Vetëm disa orë pas pranimit, pasi të gjitha analizat janë bërë sipas protokollit, për shkak të shenjave të qarta të vuajtjes fillestare të frytit, lindja përfundoi me një operacion urgjent cezarian.

Së bashku me Dr. Emilija Mirçevska, specialiste në anesteziologji dhe Dr. Eva Pallçevska, doktore e mjekësisë së përgjithshme, specializante në gjinekologji dhe obstetrikë, reaguam shpejt dhe përfunduam me sukses lindjen me operacion cezarian. Fryti ka qenë më i vogël, me peshë më të vogëë se sa pritej për këtë javë të gestacionit”, thotë doktoresha Trajkova.

EDHE NJË SFIDË PARA VOGËLUSHIT MUSTAFA

Pas operacionit me operacion cezarian, vogëlushi Mustafa u vendos në inkubator në Departamentin e kujdesit intensiv neonatal, sepse ka lindur para kohe.Në ditën e tretë pas lindjes me operacion cezarian, kur pacientja Gjunul  filloi të ecë pas operacionit menjëherë ka shkuar në Departamentin e Kujdesint neonatal intensiv për ta vizituar fëmijën e saj. Çastet e gëzimit nuk zgjaten shumë sepse nënës i thanë se foshnja do të operohej urgjentisht.

Dr. Radica Muratovska-Delimitova, neonatologe nga Departamenti i Kujdesit intensiv neonatal ka monitoruar gjendjen e vogëlushit Mustafa që nga lindja e tij.  Gjatë vizitës së rregullt në ditën e tretë pas lindjes, doktoresha Muratovska- Delimitova ka vërejtur distendim të barkut dhe tendosje.

“Mustafa u lind në javën 31 të gestacionit me peshë nga 1080 gramë dhe gjatësi nga 36 centimetra. Menjëherë e kemi vendosur në Departamentin e Kujdesit neonatal intensiv për shkak të prematuritetit, me shenja për frymëmarrje të vështirësuar dhe me nevojë për oksigjen. Në ditën e tretë, tek foshnja është vërejtur distendim të barkut dhe u vë në dyshim për perforacion të zorrës së hollë prandaj menjëherë është konsultuar kirurgu i fëmijëve, reaguam shumë shpejt”, thotë Dr. Muratovska Delimitova.

JANË BËRË DY OPERACIONE ME SUKSES TEK FOSHNJA E LINDUR PARA KOHE

Janë bërë një sërë ekzaminimesh për të zbuluar shkakun e gjendjes dhe për të vendosur diagnozën e saktë. Është bërë një grafi native e cila ka treguar qartë prezencën e ajrit të lirë në bark (pneumoperitoneum), që është një shenjë për perforacion të zorrës (çarje). Kirurgu i fëmijëve Doc. Dr Risto Simeonov shpejt formoi ekipin e tij me të cilin bëri operacionin e parë. Në ekipin e mjekut Simeonov ishin Dr. Andrea Bojkovska, doktore e mjekësisë së përgjithshme, specializante në kirurgji pediatrike, Dr. Millço Micevski, specialist anesteziolog dhe Dr. Vedran Stojanoviq, specialist në pediat

“Operacioni i parë ka qenë për shkak të ekzistencës së pneumoperitoneumit (ekzistencës së ajrit të lirë) në abdomen në gjendje të sepsës. U zbulua perforacioni (çarja) i zorrës së hollë dhe është bërë ileostomia. Pastaj janë kryer disa analiza shtesë, irrigografia për të përjashtuar ekzistencën e sëmundjes së Hirschsprunut dhe aganglionozës totale të kolonit. Gjithashtu kemi bërë ekzaminim edhe për fibrozë cistike dhe rezultatet që morëm nga këto analiza rezultuan negative. Pas përmirësimit të gjendjes së përgjithshme të foshnjës, është kryer operacioni i dytë për mbylljen e ileostomisë. Fëmija filloi të ushqehet normalisht me qumësht dhe të ketë jashtëqitje të rregullta dhe normale”, shpjegon doktor Simeonov.

Për këtë gjendje, Dr. Simeonov thotë se është e rrallë dhe se nuk zbulohet me ekzaminimet ultratingullore gjatë shtatzënisë, por pas lindjes së foshnjës. Një nga simptomat më të zakonshme që shfaqet në këtë gjendje është barku i fryrë dhe i distenduar dhe mund të zgjidhet vetëm në mënyrë kirurgjikale.

61 DITË QËNDRIM NË DEPARTAMENTIN E KUJDESIN NEONATAL INTENSIV

Pas dy muajsh të kaluar në spital, vogëlushi Mustafa shkoi në shtëpi dhe tashmë është në krahët e mamit, babit Enes dhe motrës Hava, e cila pa durim e priste para derës së kujdesit intensiv neonatal për të takuar vëllain e saj të vogël.

“Kur e pashë për herë të parë, i thashë vetes sa i vogël është, por kaq i guximshëm dhe i fortë. Isha e tmerruar, shumë e frikësuar për gjendjen e tij, nuk e dija nëse do të mbijetonte, por kisha shpresë dhe besim në ekipin mjekësor. Përkushtimi, njohuritë dhe përvoja e tyre na dhanë guxim për të luftuar dhe përballuar çdo sfidë në 61 ditët e fundit. Më në fund, tani mund të gëzohemi pa brenga dhe të lëmë pas pasigurinë dhe frikën mbrapa neve”, thotë Gjunul.

Prindërit e Mustafës thonë se janë jashtëzakonisht mirënjohës për kujdesin dhe vëmendjen dhe i falënderojnë të gjithë mjekët dhe infermieret nga Kujdesi intensiv neonatal, Kujdesi intensiv kardiokirurgjik për fëmijë, infermierja Simona nga Kujdesi intensiv kardiokirurgjik për fëmijë dhe pjesa tjetër e stafit.