Mjekët nga Spitali Klinik “Acibadem Sistina” morën pjesë aktive në kongresin “Qasje multidisiplinare për një fëmijëri të shëndetshme – kujdesi ynë i përbashkët që nga dita e parë”, i cili u mbajt nga 8 deri më 10 maj në Strugë, në organizim të Shoqatës së Neonatologëve dhe Asociacionit Pediatrik për Gastroenterologji, Nutricion, Imunologji Klinike dhe Alergologji, me pjesëmarrje ndërkombëtare.

Në ngjarje morën pjesë më shumë se 300 ekspertë të njohur nga vendi ynë, rajoni dhe Evropa, të cilët përmes ligjëratave dhe diskutimeve ndanë njohuritë më të reja mjekësore dhe përvojat nga fusha e pediatrisë dhe neonatologjisë. Ekipi i “Acibadem Sistina” dha një kontribut të rëndësishëm në programin shkencor përmes prezantimit të disa temave profesionale nga praktika bashkëkohore pediatrike.

Prim. Dr. Shk. Dushko Fidanovski, specialist në pediatri, mbajti ligjëratë me temë “A është më pak gjithmonë më shumë për foshnjat e lindura para kohe”, kushtuar qasjeve moderne në trajtimin dhe kujdesin për të porsalindurit prematurë.

Dr. Radica Muratovska-Delimitova, specialiste në pediatri, prezantoi temën “Lëkura si organ tek të porsalindurit – rëndësia klinike dhe qasjet në kujdes”, duke theksuar rëndësinë e kujdesit të duhur dhe njohjes së hershme të gjendjeve të lëkurës tek të porsalindurit.

Prof. Dr. Aneta Demerxhieva, specialiste në pediatri, foli në temën “Relacioni nënë-fëmijë, parakusht për një fëmijëri të shëndetshme dhe të lumtur – ku jemi ne?”, duke u ndalur në rëndësinë e lidhjes emocionale dhe zhvillimit të hershëm të fëmijës. Në një pjesë të prezantimit të Dr. Demerchieva ishte e përfshirë edhe Mr. Sonja Jordanova-Cacanovska, defektologe.

Dr. Jordanka Maxhoska prezantoi një rast të rrallë dhe të rëndësishëm klinik me temë “Dalja anormale e arteries koronare të majtë nga arteria pulmonare – shkak i rrallë i infarktit të miokardit tek fëmijët”.

Për qasjet bashkëkohore në trajtimin e refluksit gastroezofageal tek fëmijët foli Dr. Natasha Çuçkova-Nikçevska, specialiste në pediatri, me ligjëratën me temë “Qasje moderne ndaj refluksit gastroezofageal dhe sëmundjes së refluksit gastroezofageal tek fëmijët”.

Me ligjëratën me temë “Përfitimet e vaksinimit tek fëmijët”, para të pranishmëve në kongres u prezantua edhe Dr. Shk. Aleksandar Sajkovski, specialist në pediatri.

Në kuadër të kongresit, me prezantime poster u prezantuan edhe Dr. Kamelija Simeonova me temën “Diada e partneritetit dhe zhvillimi psiko-emocional i fëmijës”, ndërsa doc. Dr. Risto Simeonov, kirurg pediatrik, u prezantua me prezantime poster me temë “Paraqitje e një rasti të rrallë të sëmundjes Hirschsprung tek një foshnjë 11-muajshe”.

Temat kryesore të përfshira në kongres ishin sëmundjet nga aspekti imunologjik, gastrointestinale dhe hepatologjike, ushqyerja e fëmijëve të shëndetshëm dhe të sëmurë, alergologjia, diagnostika dhe terapia bashkëkohore, si dhe zbatimi i mjekësisë së personalizuar dhe inovacioneve në trajtim.

Me pjesëmarrjen e tyre, mjekët nga “Acibadem Sistina” edhe një herë konfirmuan përkushtimin e tyre ndaj edukimit të vazhdueshëm, ndjekjes së trendeve më të reja mjekësore dhe avancimit të kujdesit shëndetësor për pacientët më të vegjël.