Me rastin e 25-vjetorit të themelimit të spitalit të parë të specializuar për gjinekologji dhe obstetrikë, “Mala Bogorodica – Sistina”, Spitali Klinik “Acibadem Sistina” sjell një risi për të gjithë prindërit e ardhshëm, duke përfshirë testin prenatal jo-invaziv (NIPT) në paketat e lindjes dhe në çdo procedurë private in vitro. Kjo nismë përfaqëson një qasje gjithëpërfshirëse, të sigurt dhe bashkëkohore për pacientet në rrugën e tyre drejt prindërimit. Me përfshirjen e testit NIPT, prindërit e ardhshëm kanë përfitim shtesë dhe mundësi për vlerësim të hershëm gjenetik të shtatzënisë, si dhe informim të saktë dhe në kohë.
Çfarë është testi NIPT dhe pse është i rëndësishëm?
NIPT është një test prenatal i sigurt dhe jo-invaziv, i cili mundëson zbulimin e hershëm të anomalive më të shpeshta gjenetike dhe kromozomale të fetusit, pa paraqitur rrezik për nënën dhe foshnjën. Testi realizohet në mënyrë të thjeshtë, përmes marrjes së një mostre gjaku nga nëna dhe bazohet në analizën e ADN-së fetale që qarkullon në gjakun e saj. Ky test u mundëson pacienteve ekzaminim të hershëm gjenetik me saktësi të lartë, duke lehtësuar monitorimin e mëtejshëm të shtatzënisë dhe marrjen e vendimeve të informuara.
Për kë rekomandohet?
Testi NIPT është i përshtatshëm për çdo grua shtatzënë, ndërsa rekomandohet veçanërisht në shtatzëni të realizuara përmes procedurave in vitro, tek gratë shtatzëna mbi moshën 30 vjeç, në raste me gjetje pozitive nga skriningu serologjik, në gjetje të dyshimta në ultrazë, në raste të mëparshme kur shtatzënitë kanë përfunduar me abort dhe në situata kur procedurat diagnostikuese invazive paraqesin rrezik për shtatzëninë. Në kuadër të ofertës, nëse rezultati tregon rrezik të lartë, realizohet amniocentezë falas, duke ofruar siguri shtesë për pacientet. Testimi kryhet në bashkëpunim me laboratorin Biotek. Përfitim shtesë është edhe mundësia për pagesë në deri në 60 këste pa interes përmes kredisë “Mediplus Baby” nga Alta Banka AD Bitola, e cila aprovohet brenda një dite.
Qendra lider për lindje dhe shëndet riprodhues
Me këtë ofertë gjithëpërfshirëse, “Acibadem Sistina” edhe një herë konfirmon pozicionin e tij si qendra private lider për lindje, pediatri dhe IVF në rajon, duke kombinuar teknologjinë moderne, ekipin e ekspertëve dhe mbështetjen e plotë për prindërit e ardhshëm. Spitali Klinik është qendra më e madhe private për lindje në vend dhe rajon, me mbi 24.000 foshnja të lindura dhe me departamente të pajisura me teknologji moderne për gjinekologji, obstetrikë dhe kujdes neonatal. Në kuadër të tij funksionon edhe Qendra më e madhe për riprodhim të asistuar “Mala Bogorodica”, me mbi 36.000 cikle IVF të realizuara dhe shkallë suksesi të krahasueshme me qendrat më të mira në botë.
.png)
