Spitali Klinik “Acibadem Sistina” po vendos një standard të ri në urologji, duke prezantuar procedurën REZUM - një trajtim minimal invaziv të hiperplazisë beninje të prostatës (BPH) të kryer nën anestezi lokale, për herë të parë në vend. Intervenimi u krye me sukses ekipi i Departamentit i urologjisë, i përbërë nga specialistë me përvojë në urologji, Dr. Aleksandar Mickovski, Prof. Dr. Sotir Stavridis dhe Dr. Vladimir Lozanovski, duke ndjekur praktikat më moderne botërore.
Terapia REZUM përdor avujt e ujit për të zvogëluar me saktësi indin e zmadhuar të prostatës. Duke përdorur një aplikator të posaçëm transuretral, avulli aplikohet direkt në prostatë, ku energjia e nxehtësisë shkakton një zvogëlim të kontrolluar të indit. Gjatë javëve në vijim, organizmi e resorbon natyrshëm indin e trajtuar, duke çuar në përmirësimin e rrjedhës së urinës dhe në lehtësimin e ndjeshëm të simptomave.

Një nga përfitimet më të mëdha të kësaj procedure është mundësia që të kryhet pa anestezi të përgjithshme ose spinale, gjë që është veçanërisht e rëndësishme për pacientët me rrezik të shtuar anesteziologjik ose për ata që preferojnë një shërim më të shpejtë dhe më të lehtë. Pacientët janë zgjuar, plotësisht pa dhimbje dhe me shqetësim minimal, dhe vetëm një orë pas ndërhyrjes mund të kthehen në shtëpi. Aktivitetet e përditshme nuk kufizohen – lejohet ecja, drejtimi i automjetit dhe rikthimi i shpejtë në detyrat e punës.

Siguria, efikasiteti dhe cilësia e jetës

Terapia REZUM tregon efikasitet të shkëlqyer klinik dhe rezultate afatgjata, me ulje të qëndrueshme të simptomave të HBP-së. Për më tepër, kjo metodë ka ndikim minimal në funksionin seksual dhe një rrezik dukshëm më të ulët të ejakulimit retrograd krahasuar me ndërhyrjet kirurgjikale klasike.

Trend global që vjen edhe tek ne

Në Shtetet e Bashkuara të Amerikës, mbi 90% e procedurave REZUM kryhen nën anestezi lokale, si ndërhyrje ambulatore pa hospitalizim. Në Evropë, ky qasje po shënon rritje të vazhdueshme, ndërsa Spitali Klinik “Acibadem Sistina” me këtë inovacion i bashkohet praktikave më të mira botërore. Procedura REZUM përfaqëson një zgjidhje moderne, të sigurt dhe të orientuar drejt pacientit për trajtimin e hiperplazisë beninje të prostatës. Kryerja nën anestezi lokale e bën këtë metodë të aksesueshme për një gamë më të gjerë pacientësh dhe përbën një hap të rëndësishëm përpara në urologjinë minimalisht invazive në Maqedoni.