На симпозиумот доц. д-р Ристо Симеонов, специјалист по детска хирургија од Клиничката болница „Аџибадем Систина“, упати благодарност до проф. д-р Хамди Каракајали, директор на Центарот за трансплантација на органи на Универзитетската болница „Аџибадем Атакент“ во Турција за успешната долгогодишна соработка.

 

„Со проф. д-р Каракајали соработуваме уште од 2008 година, кога престојував на 6-месечна едукација за трансплантација на бубрези во Универзитетската болница ’Башкент’ во Анкара. Веќе во 2009 година заедно ја изведовме првата трансплантација на бубрег во Република Македонија. Оттогаш, заеднички сме учествувале на бројни меѓународни симпозиуми и имаме реализирано над 100 заеднички трансплантации на бубрег кај деца. Денес работиме на нова заедничка цел за развој на програма за трансплантација на црн дроб кај деца“, изјави д-р Симеонов.

 

На симпозиумот активно учествуваа и други еминентни лекари од здравствената групација „Аџибадем“ од Турција, како и домашни експерти од Универзитетската клиника за детски болести - Катедрата по педијатрија.

 

 

Од Клиничката болница „Аџибадем Систина“ на овој симпозиум учествуваше и д-р Наташа Чучкова-Никчевска, специјалист по педијатрија, која ја истакна одличната соработка со проф. д-р Вилдан Ертекин, специјалист по детска гастроентерологија од Универзитетската болница „Аџибадем Атакент“ во решавање на потешки гастроентерохепатолошки педијатриски случаи.