Udhëtimet më të bukura hapësinore mund të fillojnë nga imagjinata e fëmijëve. Pikërisht këtë na e dëshmoi shkrimtarja e vogël, Andrea Shengulovska, e cila ka vetëm nëntë vjet, po aq sa edhe heroinë e saj, Jana. Përmes personazhit kryesor, Andrea na udhëheq në udhëtime magjike nëpër hapësirë, atje ku ëndrrat bëhen realitet dhe kureshtja fëminore nuk ka kufij.

Andrea është një artiste e vërtetë e vogël. Përveç shkrimit, ajo luan në piano, vizaton dhe pëlqen të tregojë shaka. Librin me ilustrime filloi ta shkruajë në moshën 8-vjeçare, fillimisht si dhuratë për gjyshen e saj, ndërsa një vit më vonë, Andrea e mban me krenari në duar versionin e shtypur të punës së saj.

Spitali Klinik “Acibadem Sistina” e njohu talentin dhe e mbështeti punën fëminore të Andreas, koncepti i së cilës për universin dhe planetët është i njëjtë me konceptin e Departamentit të Pediatrisë që çdo ditë i gëzon fëmijët tanë. Është nder për ne që jemi pjesë e këtij projekti të mrekullueshëm. Jemi të sigurt se libri “Udhëtimet e Janaës” do t’i gëzojë shumë fëmijë dhe do t’i inkurajojë të ëndërrojnë, të lexojnë dhe të zbulojnë fuqinë e fantazisë së tyre.