Spitali Klinik “Acibadem Sistina” edhe këtë vit u nderua me çmimin për Punëdhënësin më të preferuar në kategorinë e spitaleve private, në kuadër të manifestimit “Punëdhënësi i Vitit” të organizuar nga portali Vrabotuvanje.com.mk.

Çmimi u nda bazuar në nominimet dhe votat e publikut për kompanitë më të dëshiruara për punësim në vitin 2024.

 

Kjo mirënjohje është një konfirmim i përkushtimit të “Acibadem Sistina” ndaj zhvillimit të burimeve njerëzore dhe përmirësimit të vazhdueshëm të kushteve të punës – me fokus në krijimin e një ambienti ku secili punonjës vlerësohet, mbështetet dhe motivohet.

Çmimin, në emër të spitalit, e pranoi znj. Marija Kapetanovska, drejtoreshë e Departamentit të Burimeve Njerëzore.

 

Prej 15 vitesh, “Acibadem Sistina” vendos standarde të reja në ofrimin e kujdesit shëndetësor, duke bashkëpunuar me ekipe profesionale, duke përdorur pajisjet më moderne dhe duke realizuar ndërhyrje pioniere, si në Maqedoni ashtu edhe në rajon.