Në Spitalin Klinik “Acibadem Sistina“ u mbajt një ligjëratë edukative për prindërit e ardhshëm me temën “Ankthi gjatë shtatzënisë“, e udhëhequr nga Dr. Verica Malinkova Dimovska, Mr. Sci, specialiste në psikiatri.

Gjatë ligjëratës u diskutua për frikërat dhe shqetësimet më të shpeshta gjatë shtatzënisë, si të dallohet shqetësimi normal nga ankthi, si dhe për simptomat psikologjike dhe fizike që mund të shfaqen. Vëmendje e veçantë iu kushtua frikës nga lindja, ndikimit të mendimeve negative dhe rëndësisë së mbështetjes emocionale.

Të pranishmit patën mundësinë të mësonin teknika praktike për përballimin e ankthit, ndërsa interesi i madh u shoqërua me pyetje të shumta, shkëmbim përvojash dhe diskutim aktiv.

Mesazhi kryesor i ligjëratës ishte se frika është një pjesë e natyrshme e shtatzënisë, por njohja në kohë e ankthit dhe kërkimi i ndihmës profesionale janë të rëndësishme për shëndetin mendor dhe mirëqenien e nënës së ardhshme.