Nga 23 deri më 30 shtator u zhvillua Java Evropiane e Sportit 2026, një iniciativë e promovuar nga Komisioni Evropian, me qëllim rritjen e ndërgjegjësimit për rëndësinë e aktivitetit fizik dhe përfitimet e tij për shëndetin dhe cilësinë e jetës.

Spitali Klinik “Acibadem Sistina“, së bashku me Premium Sport Center, ishin mbështetës të kësaj iniciative të rëndësishme, përmes së cilës përcillet mesazhi për rëndësinë e lëvizjes, sportit dhe një stili aktiv jetese.

Gjatë Javës Evropiane të Sportit, në disa komuna në vend u organizuan aktivitete të ndryshme sportive, rekreative dhe fizike, të hapura për qytetarë të grupmoshave të ndryshme. Qëllimi ishte të inkurajohej sa më shumë njerëz të përfshiheshin në aktivitete fizike dhe të krijonin shprehi që kontribuojnë në përmirësimin e shëndetit fizik dhe mendor.

Java Evropiane e Sportit u realizua në kuadër të fushatës #BeAktiv, e cila çdo vit rikujton se aktiviteti fizik duhet të jetë i qasshëm dhe i përshtatshëm për të gjithë, pavarësisht moshës, aftësive apo nivelit të përgatitjes fizike.

Për “Acibadem Sistina“, mbështetja e iniciativave të tilla është pjesë e angazhimit për promovimin e shprehive të shëndetshme të jetesës dhe rritjen e ndërgjegjësimit për parandalimin dhe kujdesin ndaj shëndetit.