Клиничката болница „Аџибадем Систина“ заедно со Премиум спорт центарот беа поддржувачи на оваа значајна иницијатива, со која се испраќа порака за важноста на движењето, спортот и активниот начин на живот.

 

Во текот на Европската недела на спортот, во повеќе општини низ државата беа организирани различни спортски, рекреативни и физички активности, отворени за граѓаните од различни возрасни групи. Целта беше да се поттикне што поголем број луѓе да се вклучат во некоја физичка активност и да создадат навики кои придонесуваат за подобро физичко и ментално здравје.

 

Европската недела на спортот се реализира во рамки на кампањата #БидиАктивен, која секоја година потсетува дека физичката активност треба да биде достапна и прифатлива за сите, без оглед на возраста, способностите или нивото на физичка подготвеност.

За „Аџибадем Систина“, поддршката на ваквите иницијативи е дел од заложбите за промовирање на здравите животни навики и подигнување на свеста за превенцијата и грижата за здравјето.