Dr. Daniell Jakimoski, specialist në kirurgji dhe subspecialist në traumatologji nga Spitali Klinik “Acibadem Sistina”, mbajti një tribunë edukative me temën “Çrregullimet muskulo-skeletike gjatë punës në zyrë” për të punësuarit e Makedonija Osiguruvanje

Ligjërata ngjalli interes të madh tek të pranishmit, ku Dr. Jakimoski ndau këshilla praktike për kujdesin e duhur ndaj trupit gjatë punës së përditshme, theksoi simptomat ndaj të cilave duhet reaguar me kohë dhe kur është e nevojshme të kërkohet ndihmë profesionale.

Gjithashtu, u prezantuan ushtrime të thjeshta që mund të aplikohen gjatë orarit të punës, me qëllim parandalimin dhe uljen e rrezikut nga problemet muskulo-skeletike. U theksua veçanërisht rëndësia e qëndrimit të duhur, pushimeve të rregullta dhe përshtatjes së vendit të punës sipas standardeve ergonomike.

Të pranishmit patën mundësi të parashtrojnë pyetje dhe të marrin rekomandime konkrete për sfidat e tyre shëndetësore, gjë që e pasuroi edhe më shumë interaktivitetin e aktivitetit. Aktivitete të tilla edukative kontribuojnë në rritjen e ndërgjegjësimit për rëndësinë e parandalimit dhe reagimit në kohë.