Во организација на Здружението на неонатолози, се одржа значајна едукација наменета за педијатри и неонатолози, фокусирана на најновите препораки од 8. издание на Американската академија на педијатрија. Целта на оваа едукација е унапредување на неонаталната интензивна нега и лекување на најранливите пациенти – новороденчињата.
Надградбата на знаењата и практичните вештини на здравствените работници претставува важен чекор кон подобрување на квалитетот на здравствената грижа за новороденчињата во нашата земја. Особено внимание се посвети на следниве теми:
- Современи протоколи за неонатална интензивна нега
- Нови методи за лекување на критично болни новороденчиња
- Практични вежби и размена на искуства помеѓу здравствени професионалци.
Од тимот на Клиничката болница „Аџибадем Систина“ дел од едукацијата беа: д-р Јана Јовановска, специјалист по педијатрија и медицинските сестри Сунчица Спасовска и Сашка Арсовски.
Со активно учество на вакви стручни настани, нашите здравствени професионалци продолжуваат да вложуваат во квалитетна, современа и хумана грижа за најмалите пациенти – од самиот почеток на животот.
.png)
.png)
.jpg)
