Под мотото “Advancing Nursing and Healthcare for Global Patient-Centered Care”, на овој меѓународен научно-стручен форум кој се одржа во Рим, Италија, своето професионално искуство го претставија:

Маја Атанасовска – специјалист по интензивна нега од Клиничка болница "Аџибадем Систина" со предавање на тема: “Continuous Learning and Clinical Reasoning: Advancing Excellence in Interventional Cardiology and Critical Care Nursing”.

Презентацијата го истакна значењето на континуираната едукација, клиничкото расудување, критичкото размислување и примената на современи стандарди во сестринската практика, со посебен фокус на интервентната кардиологија и интензивната нега.

Маја Ацевска, специјалист инструментарка во кардиохирургија, го претстави своето стручно искуство преку предавање посветено на кардиохируршката и периоперативната сестринска практика, нагласувајќи ја важноста на стерилната техника, тимската координација и безбедноста на пациентите.

Учеството на меѓународни конгреси е доказ за посветеноста на медицинските сестри кон знаењето, професионалниот развој и унапредувањето на квалитетот на здравствената грижа.