Клиничката болница „Аџибадем Систина“ го поддржа настанот „Розов пикник појадок“, организиран од Здружението за помош и поддршка на пациенти со хематолошки и онколошки заболувања и нивните негуватели „ХЕМА-ОНКО“, со цел подигнување на свеста за ракот на дојка и за важноста на превенцијата, редовните прегледи и навременото откривање на болеста.

Настанот се одржа на 4 октомври во Градскиот парк, каде што дел од медицинскиот тим на „Аџибадем Систина“ беше присутен на промотивниот штанд на болницата и им беше достапен на сите граѓани за разговор, прашања и стручни совети. Посетителите имаа можност да се информираат за превенцијата, дијагностиката и современите можности за лекување на ракот на дојка.

Со поддршката на ваквите иницијативи, „Аџибадем Систина“ продолжува да придонесува кон подигнување на здравствената свест и да ја нагласува важноста на навремената грижа за здравјето и редовните превентивни прегледи.