Në Spitalin Klinik "Acıbadem Sistina", në organizim të Doc. Dr. Aleksandar Gjoreski dhe Prof. Dr. Zoran Trajkovski, nën patronazhin e Shoqatës Maqedonase të Radiologjisë Intervente, dhe me mbështetjen e Asociacionit Maqedonas të Radiologjisë Intervente, u mbajt punëtori e nivelit të mesëm për intervenime perkutane hepato-biliare (drenazhe dhe stentime).

Ky kurs intensiv dyditor, me mësimdhënie praktike dhe teorike, ishte i dedikuar për mjekë nga disa specialitete: radiologë intervenues, hepatologë dhe kirurgë abdominalë që duan të zgjerojnë njohuritë dhe aftësitë e tyre praktike në fushën e radiologjisë intervenuese, veçanërisht në segmentin e intervenimeve hepato-biliare.

Përveç organizatorëve të këtij eventi, Doc. Gjoreski dhe Prof. Trajkovski, në punëtori prezantuan edhe mjekët nga Departamenti i Radiologjisë Diagnostike dhe Intervente si dhe nga Departamenti i Anesteziologjisë me Reanimacionit dhe Mjekim Intensiv: Dr. Vesna Pop-Stefanija Çorbeva, Dr. Mitko Ilievski dhe Dr. Dejan Taneski.

Për më tepër, praktikantët u përfshinë në mënyrë aktive në diskutimin e rasteve dhe ndarjen e literaturës aktuale në këtë fushë. Punëtoria përfaqësoi një mundësi të shkëlqyer për të shkëmbyer njohuri midis kolegëve, për të forcuar kontaktet profesionale dhe për të ndjekur trendet bashkëkohore në radiologjinë interventive.