“Orka Holding” nëpërmjet fondacionit “Ilija Kamçev” do të dhurojë 3 milionë denarë për viktimat dhe qytetarët e lënduar të cilët kanë mbetur pa shtëpi apo me shtëpi të rrënuara nga përmbytjet katastrofike.

Një milionë e të ardhurave do të dhurohen në llogarinë e fondit të solidaritetit të Kryqit të Kuq, në Republikën e Maqedonisë. Për kujdesin ndaj punonjësve të saj, pjesa tjetër e donacionit me një shumë prej dy milionësh, kompania do ti shpërndajë direkt personave, shtëpitë e të cilëve kanë pësuar dëme nga përmbytjet e tmerrshme, të cilët janë të punësuar në kompanitë e “Orka Holding”.

Grupi i cili ka më shumë se 3700 të punësuar, është në fazën e përgatitjes së listës së personave të prekur, të cilëve gjatë javës së ardhshme këto të ardhura do t’iu pagohen në llogaritë e tyre personale. Lista do të dorëzohet në Qendrën me menaxhimin me krizat dhe në Kryqin e Kuq të Republikës së Maqedonisë.