Ligjëratën e mbajti infermierja Milena Dimitrova-Gjerasimoska, e cila i njohu prindërit e ardhshëm me teknikat dhe pozicionet e duhura të ushqyerjes me gji.

Përmes këshillave praktike dhe udhëzimeve të dobishme, ajo shpjegoi se si të fillohet me sukses ushqyerja me gji që në ditët e para, si të dallohet vendosja e duhur e foshnjës në gji dhe si të kapërcehen sfidat më të zakonshme me të cilat përballen nënat. Të pranishmit patën mundësinë të parashtronin pyetje dhe të merrnin përgjigje për paqartësitë dhe dilemat e tyre.

Edhe pse ushqyerja me gji është një proces natyror, ajo përbën një përvojë të re që kërkon kohë, durim dhe mbështetje. Me edukimin e duhur, këshilla praktike dhe inkurajim, hapat e parë të ushqyerjes me gji mund të jenë më të lehtë dhe më të sigurt, duke i mundësuar nënës dhe foshnjës të krijojnë një lidhje të veçantë që në ditët e para të jetës.