Dr. Simonida Spasevska dhe Dr. Stanka Tancheva-Krstevska, specialiste të pediatrisë në Spitalin Klinik “Acibadem Sistina”, morën pjesë në kongresin ndërkombëtar CEPAS 2026 (Kongresi i Shoqatave Akademike Evropiane të Pediatrisë), i cili u mbajt nga 28 deri më 31 tetor në Lion, Francë.

Kjo ngjarje e rëndësishme shkencore në nivel evropian mblodhi në një vend  pediatër, neonatologë, studiues dhe profesionistë të tjerë të fushës së shëndetësisë, duke ofruar një mundësi të vlefshme për shkëmbimin e njohurive më të fundit shkencore, përvojave klinike dhe qasjeve bashkëkohore në kujdesin për shëndetin e fëmijëve.

Nën moton “Nga të porsalindurit te adoleshentët: bashkimi i profesionistëve të pediatrisë”, kongresi ofroi një program të pasur shkencor me ligjërata, punëtori interaktive dhe prezantime të hulumtimeve më të fundit në fushën e pediatrisë dhe neonatologjisë.

Pjesëmarrja në takime të tilla shkencore ndërkombëtare është pjesë e edukimit të vazhdueshëm profesional të ekipit mjekësor të “Acibadem Sistina”, me qëllim ndjekjen dhe zbatimin e arritjeve bashkëkohore mjekësore në kujdesin për shëndetin e pacientëve më të vegjël.