Spitali klinik “Acibadem Sistina” vazhdon traditën e praktikës akademike, duke i mirëpritur për të gjashtin vit me radhë studentët nga Fakulteti i Shkencave Mjekësore pranë Universitetit “Goce Delçev” – Shtip, me qëllim avancimin e njohurive të tyre profesionale dhe aftësive praktike.

Në fillim, Prof. Dr. Andrej Petrov, specialist në dermatovenerologji dhe profesor në UGD – Shtip, u uroi mirëseardhje studentëve, duke theksuar se kjo përvojë praktike ka rëndësi të jashtëzakonshme për zhvillimin e tyre profesional. Ai i inkurajoi që t’i shfrytëzojnë maksimalisht mundësitë që ofron kjo bashkëpunim dhe të përfitojnë njohuri të reja që do t’u shërbejnë në karrierën e tyre të ardhshme.

Studentët do ta realizojnë praktikën në dy grupe – në Departamentin e Gjinekologjisë dhe Obstetrikës dhe në Departamentin e Pediatrisë, ku nën udhëheqjen e specialistëve me përvojë do të kenë mundësi të marrin pjesë aktive në aktivitete praktike dhe të njihen me qasjet bashkëkohore mjekësore.

Si një nga institucionet shëndetësore lider në rajon, “Acibadem Sistina” u mundëson studentëve qasje në teknologji të avancuar mjekësore dhe metoda moderne të punës, që përbën një avantazh të rëndësishëm në edukimin e tyre, duke kontribuar në krijimin e kuadrove mjekësore të kualifikuara dhe kompetente.