Во рамки на 62. Онколошки конгрес, од 12 до 15 ноември во "Сава центар" – Белград, се одржа и 38. Симпозиум на онколошките медицински сестри, со значајно регионално учество од повеќе земји од Балканот. На конгресот, како значаен настан во онколошката дејност и можност за нови знаења и искуства, од Клиничката болница „Аџибадем Систина“ присуствуваа Ирена Јовановска-Баришиќ и Елена Јованоска, медицински сестри од Одделот за онкологија и радиотерапија.

На овој конгрес, медицинската сестра Ирена Јовановска-Баришиќ се претстави со темата „Двојна контрола – златен стандард во примена на хемотерапија“, со посебен осврт на важноста од безбедна, прецизна и правилна подготовка и апликација на хемотерапијата. Таа ја истакна клучната улога на двојната контрола како основен механизам за зголемување на безбедноста на пациентите, минимизирање на можни грешки и осигурување на највисоки стандарди во онколошката нега.