Во Клиничката болница „Аџибадем Систина“ успешно се одржа стручниот состанок на тема „Современ третман на заболувања на крвните садови и менаџмент на рани“, кој предизвика голем интерес и привлече бројни здравствени професионалци од земјата и регионот. На почетокот на настанот присутните ги поздрави медицинската директорка, д-р Емилија Мирчевска, која ја истакна важноста на континуираната медицинска едукација, како и на размената на знаења и искуства меѓу стручната јавност. Во рамките на состанокот беа одржани иновативни предавања од еминентни експерти:

• д-р Никола Лазовски, специјалист по васкуларна хирургија во Клиничката болница „Аџибадем Систина“, зборуваше на тема „Ендоваскуларен третман на аортата и периферната артериска болест“
• проф. д-р Ненад Илиевски, специјалист по васкуларна хирургија од Институтот за кардиоваскуларни заболувања „Дедиње“, одржа предавање на тема: „Директно исхемиско посткондиционирање по каротидна ендартеректомија за превенција на исхемиско-реперфузиска повреда и периоперативен мозочен удар“
• доц. д-р Менка Лазареска, специјалист по неврорадиологија во „Аџибадем Систина“, говореше на тема: „Невроинтервенции: каде сме денес и кои се идните перспективи?“
• доц. д-р Александар Ѓорески, специјалист по радиологија и супспецијалист по интервентна радиологија во „Аџибадем Систина“, ги презентираше темите: „Ендоваскуларни опции за третман на артерии под коленото кај пациенти со CLTI и дијабетично стапало“ и „Ендоваскуларни опции за третман на ДВТ, централни вени и хронична и акутна порто-мезентерична тромбоза“
• доц. д-р Мишел Андов, специјалист по општа хирургија и супспецијалист по васкуларна хирургија во „Аџибадем Систина“, одржа предавање на тема „EVLA и RFA – минимално инвазивни третмани за проширени вени“
• проф. д-р Боро Џонов, специјалист по општа хирургија и супспецијалист по пластична и реконструктивна хирургија во „Аџибадем Систина“, предаваше на тема: „Реконструкција на потколеница кај дефекти од различна етиологија“
• д-р Бисера Николовска, специјалист по општа хирургија и супспецијалист по пластична и реконструктивна хирургија од Универзитетската клиника за пластична и реконструктивна хирургија, одржа предавање на тема: „Компликации во васкуларната хирургија: пристап на пластичен хирург во менаџментот“.