И овој пат, во пријатна и опуштена атмосфера, работилниците ги водеа д-р Камелија Симеонова, специјалист по детска и адолесцентна психијатрија, м-р доктор Верица Малинкова-Димовска, специјалист по психијатрија, м-р Ајше Исљам, психолог и м-р Бољетин Зенуни, дефектолог. Преку интерактивен пристап, тие споделија стручни знаења и практични искуства, притоа истакнувајќи ја благородноста на професијата и нудејќи конкретни насоки за справување со секојдневните предизвици во работата со деца.

 

На работилницата во градинката „Буба мара“ присуствуваше и градоначалникот на општина Аеродром, Дејан Митески, кој упати искрена благодарност до воспитувачките и негувателките за нивната посветеност и хумана мисија. Тој ги охрабри да продолжат со истата енергија и посветеност, нагласувајќи дека нивната работа има огромно значење за идните генерации.

 

На крајот од работилниците, присутните изразија благодарност до стручниот тим од Клиничката болница „Аџибадем Систина“ за нивната ангажираност, професионалност и иницијативата за реализација на овие едукативни средби, кои овозможија стекнување на корисни знаења и практични совети за секојдневната работа.