Në Spitalin Klinik “Acibadem Sistina” u mbajt një takim profesional me temë “Toksina botulinike në dermatologjinë estetike”, i organizuar nga Shoqata e Dermatovenerologëve, me mbështetjen e Allergan Aesthetics, prodhuesit të preparatit Vistabel. Në këtë aktivitet morën pjesë profesionistë mjekësorë nga fusha e dermatovenerologjisë dhe mjekësisë estetike, me qëllim shkëmbimin e njohurive profesionale, përvojave dhe qasjeve bashkëkohore në përdorimin e toksinës botulinike.

Aktiviteti filloi me fjalët përshëndetëse të Prof. Dr. Andrej Petrov, kryetar i Shoqatës së Dermatovenerologëve dhe specialist në dermatovenerologji në “Acibadem Sistina”, si dhe të Dr. Emilija Mirçevska, drejtoreshë mjekësore e Spitalit Klinik “Acibadem Sistina”, të cilët theksuan rëndësinë e edukimit të vazhdueshëm mjekësor dhe shkëmbimit të përvojave ndërmjet profesionistëve të fushës.

Ligjëratën e parë me temë “Toksina botulinike në dermatologjinë estetike” e mbajti Prof. Dr. Ivana Biniq, specialiste e njohur në dermatovenerologji nga Serbia, profesoreshë e rregullt në Fakultetin e Mjekësisë pranë Universitetit të Nishit dhe kryetare e Asociacionit Serb për Dermatologji Kozmetike dhe Estetike (ASKED). Në prezantimin e saj, ajo trajtoi njohuritë bashkëkohore dhe përvojat profesionale në përdorimin e toksinës botulinike në dermatologjinë estetike.

Ligjëratë mbajti edhe Prof. Dr. Vesna Brishkoska Boshkovski, e cila foli me temë “Toksina botulinike e tipit A – Vistabel në trajtimin e rrudhave të fytyrës”, duke u ndalur te përdorimi i saj në trajtimet estetike bashkëkohore.

Takimi profesional ishte i akredituar nga Oda e Mjekëve, duke konfirmuar më tej rëndësinë e tij për zhvillimin e vazhdueshëm profesional dhe edukimin mjekësor.

Me organizimin e aktiviteteve të tilla profesionale, Spitali Klinik “Acibadem Sistina” konfirmon përkushtimin e tij ndaj edukimit të vazhdueshëm, shkëmbimit të përvojave ndërkombëtare dhe avancimit të standardeve profesionale në praktikën bashkëkohore mjekësore.