Neurokirurgu Doc. Dr. Milenko Kostov po merr pjesë në kursin „Cadaveric White Matter Dissection & Tractography“, i cili mbahet nga 23 deri më 26 qershor në Universitetin e Mjekësisë dhe Klinikën e Neurokirurgjisë në Graz, Austri.

Kursi i kushtohet anatomisë së detajuar të substancës së bardhë të trurit dhe metodave bashkëkohore për vizualizimin e saj përmes traktografisë. Nëpërmjet diseksionit mikroskopik të mostrave kadaverike humane, analizës së rasteve reale klinike dhe punës praktike me softuer për traktografi, pjesëmarrësit e këtij kursi thellojnë njohuritë e tyre mbi rrugët nervore të trurit dhe rëndësinë e tyre në planifikimin e ndërhyrjeve komplekse neurokirurgjikale. Kursi përfshin gjithashtu ligjërata profesionale nga ekspertë të njohur ndërkombëtarë dhe mundësi për shkëmbimin e përvojave me qendra të njohura neurokirurgjikale nga e gjithë bota.

Njohuritë e fituara nga ky kurs kanë rëndësi të veçantë për planifikim më të saktë paraoperativ, orientim më të mirë gjatë navigimit intraoperativ dhe ruajtjen maksimale të funksioneve të rëndësishme të trurit gjatë ndërhyrjeve te pacientët me tumore, epilepsi dhe gjendje të tjera neurokirurgjikale.

Edukimi i vazhdueshëm dhe ndjekja e qasjeve bashkëkohore në neurokirurgji janë pjesë e misionit tonë për t’u ofruar pacientëve trajtimin më të mirë dhe më të sigurt, përmes një neurokirurgjie të sigurt dhe precize, edhe në rastet më komplekse.