QENDRA E KIRURGJISË ROBOTIKE

 Toumai™ është një robot kirurgjik endoskopik, i zhvilluar nga lideri global i teknologjisë, kompania Shanghai MicroPort MedBot, i cili mundëson saktësi të lartë, stabilitet dhe siguri gjatë kryerjes së ndërhyrjeve kirurgjikale. 

Sistemi Toumai™ është i pajisur me videoskop 3D me rezolucion të lartë, i cili mundëson një pamje të qartë dhe natyrale tredimensionale, me pamje panoramike 100°. Kjo pamje mund të zmadhohet deri në 70 herë, duke u mundësuar kirurgëve një pasqyrë të detajuar dhe realiste të enëve më të vogla të gjakut, strukturave dhe nervave. Sistemi optik i robotit përdor gjithashtu teknologjinë infra të kuqe, e cila mundëson identifikimin preciz të qelizave tumorale gjatë operacioneve. Instrumentet robotike lëvizin në të gjitha boshtet dhe rrafshet e hapësirës, duke imituar lëvizjet e dorës së njeriut, por me saktësi mikroskopike. Për më tepër, sistemi mundëson eliminimin e tremorit natyror të dorës dhe ofron ergonomi të përmirësuar për kirurgun, gjë që kontribuon në stabilitet më të madh, lodhje të reduktuar gjatë ndërhyrjeve të gjata dhe një nivel më të lartë sigurie gjatë kryerjes së operacioneve komplekse.

Kirurgjia robotike në “Acibadem Sistina” do të aplikohet në disa fusha të mjekësisë:

Kirurgjia digjestive

• Kirurgjia e traktit gastrointestinal (GERB, hernia hiatale, tumore malinje dhe beninje të lukthit, procedura kirurgjikale të zorrës së hollë, kirurgjia kolorektale etj.)
• Kirurgjia e organeve parenkimatoze (mëlçia, pankreasi dhe shpretka – procedura resekcioni)
• Kirurgjia e murit abdominal (hernie inguinale dhe ventrale)

Gjinekologjia

• Histerektomia (heqja e mitrës)
• Miomektomia (heqja e miomave/fibroideve)
• Salpingektomia (heqja e tubave fallopiane)
• Ooforektomia (heqja e vezoreve)
• Cistektomia ovariale (e çdo natyre)
• Ekcizioni i endometriozës, duke përfshirë edhe endometriozën e thellë infiltrative
• Diseksioni i nyjave limfatike
• Trajtimi i plotë i patologjive malinje, karcinomës cervikale, endometriale dhe ovariale
• Kryerja e procedurave specifike për trajtimin e prolapsit dhe stres-inkontinencës urinare

Urologjia

• Prostatektomia radikale
• Nefrektomia radikale dhe parciale
• Ureteropieloplastika
• Pielolitotomia
• Cistektomia radikale
• Ureterocistoneostomia
• Trajtimi i sëmundjeve malinje të prostatës, veshkave dhe fshikëzës urinare, si dhe ndërhyrje rekonstruktive të traktit urinar të sipërm dhe të poshtëm

Kirurgjia pediatrike

• Urologjia pediatrike
• Kirurgjia pediatrike abdominale
• Kirurgjia neonatale