Д-р Симонида Спасевска и д-р Станка Танчева- Крстевска, специјалисти по педијатрија во Клиничката болница „Аџибадем Систина“, учествуваа на меѓународниот конгрес CEPAS 2026 (Конгрес на европските педијатриски академски друштва), кој се одржа од 28 до 31 октомври во Лион, Франција.

Овој значаен европски научен собир обедини педијатри, неонатолози, истражувачи и други здравствени професионалци, со цел размена на најновите научни сознанија, клинички искуства и современи пристапи во здравствената заштита на децата.

Под мотото „Од новороденчиња до адолесценти: обединување на педијатриските професионалци“, конгресот понуди богата научна програма со предавања, интерактивни работилници и презентации на најновите истражувања во областа на педијатријата и неонатологијата.

Учеството на вакви меѓународни научни собири е дел од континуираната професионална едукација на медицинскиот тим на „Аџибадем Систина“, со цел следење и примена на современите медицински достигнувања во грижата за здравјето на најмладите пациенти.