Прим. д-р мед. науки Бети Костадиновска-Јорданоска, специјалист по анестезиологија со интензивно лекување од Одделот за кардиохирургија, и д-р Никола Шиков, специјалист по анестезиологија со реаниматологија од Одделот за општа интензивна нега учествуваа како поканети предавачи на овогодишната постдипломска едукација по анестезиологија на тема „Специфични области во периоперативната медицина“, која се одржа од 16 до 18 октомври во Дојран.

Прим. д-р мед. науки Бети Костадиновска-Јорданоска одржа предавање на тема „Современа периоперативна грижа во кардиохирургија: од принципите на ERACS до клиничката практика“, додека д-р Никола Шиков говореше на тема „Безбедност на пациентите и рационално користење на ресурсите во општата интензивната нега“, нагласувајќи го значењето на безбедноста на пациентите и ефикасното управување со ресурсите во секојдневната клиничка практика.