Во периодот од 24 до 26 април 2026 година, во Деканатот на Медицинскиот факултет во Скопје, се одржа 4. Интернационален конгрес во организација на Педијатриското респираторно здружение (ПЕДИАРЕС). На конгресот учествуваа повеќе од 300 учесници од целиот свет, при што беа споделени искуства и стручни ставови за дијагностика и лекување на бројни респираторни заболувања кај децата.

Од Клиничката болница „Аџибадем Систина“ со свои предавања учествуваа:

• д-р Катерина Обочки, специјалист по педијатрија – пулмолог, со тема: „Атопија, воспалителни биомаркери и FeNO како фактори на перзистентно еозинофилно воспаление кај деца со астма во ремисија“
• д-р Наташа Чучкова-Никчевска, специјалист по педијатрија, која беше модератор на една сесија и одржа предавање на тема: „Хронична абдоминална болка кај деца: клиничка и етиолошка анализа – тригодишна ретроспективна студија“
• проф. д-р Весна Бришкоска-Бошковски, специјалист по дерматовенерологија, која исто така беше модератор на една сесија и одржа предавање на тема: „Атописки дерматитис кај деца: принципи на третман и клиничка пракса“.

Програмата опфати значајни теми, меѓу кои: цистична фиброза, ретки болести, имунодефициенции, инфекции на долните респираторни патишта, атопии и алергии, туберкулоза, како и интензивно лекување. Ваквите стручни собири претставуваат значаен придонес за унапредување на квалитетот на медицинската практика, овозможувајќи размена на знаења, искуства и современи пристапи во третманот на пациентите.