По успешно изведениот оперативен зафат на коленото, заради санација на сериозната повреда, германскиот репрезентативец на Ракометниот клуб „Вардар“ Кристијан Дисингер дојде на контролен преглед кај д-р Михајло Ивановски. Младиот спортист вели дека се чувствува одлично и дека едвај чека да помине периодот на рехабилитација за повторно да се врати на терените.

Досега на Одделот за ортопедија и трауматологија во „Аџибадем Систина“ решение за спортските повреди најдоа голем број врвни спортисти, меѓу кои и поголем дел од ракометарите на европскиот шампион.