Со искрени емоции и огромна благодарност, Костадинка Димова од Радовиш го споделува своето искуство по кардиохируршката операција со три бајпаса, изведена на 6 јуни во Клиничката болница „Аџибадем Систина“.

Таа упатува голема благодарност до целиот тим на Одделот за кардиохирургија, предводен од проф. д-р Александар Николиќ, за стручноста, посветеноста и грижата што ги почувствувала од првиот момент на приемот, па сè до закрепнувањето.

Посебна благодарност упатува и до д-р Ељвис Мустфа, д-р Даниела Пројевска и д-р Стефан Кулумов, како и до медицинските сестри и целиот персонал, кои со човечност, внимание и топол однос ѝ влеале сигурност и доверба во еден од најважните моменти во нејзиниот живот.

„Во момент кога ми беа најпотребни сигурност и надеж, во Одделот за кардиохирургија во „Аџибадем Систина“ почувствував дека сум во вистински раце. Благодарна сум од срце за стручноста, човечноста и грижата што ми дадоа сила полесно да поминам низ еден од најтешките моменти во мојот живот.“ - изјави Костадинка Димова, Радовиш.

За Костадинка, ова не било само успешно лекување, туку искуство исполнето со грижа, поддршка и чувство дека е во сигурни раце.