Në 200-vjetorin e lindjes së Florence Nightingale, në vitin e kushtuar infermieres në botë, infermierët ballafaqohen me sfidën më të madhe – me një virus që ka tejkaluar kufijtë për një periudhë të shkurtër dhe është përhapur në të gjitha kontinentet, duke imponuar rregulla dhe procedura të reja që ndryshohen çdo ditë dhe menjëherë ndahen në të gjitha vendet e botës.
Biljana Dilevska, infermierja kryesore në Spitalin Klinik “Acibadem Sistina”, theksoi rëndësinë e këtij profesioni, duke theksuar se infermieret janë në radhët e para në luftën me koronavirusin.
“Infermierët, gjatë zgjedhjes së profesionit japin një betim etik dhe profesional që dëshmon se kujdesi për të tjerët dhe humaniteti do të jetë misioni i tyre themelor dhe më i rëndësishëm në jetë. Profesioni ynë është diçka që punohet me krenari dhe kënaqësi, profesion i cili u besohet vetëm atyre që kanë një empati të veçantë ndaj njerëzve dhe problemeve ë tyre. “Gjithmonë kur që një nga infermieret ose departamentet marrin lavdërime për punën e tyre, përgjigjja është gjithmonë e njëjtë – është një privilegj të kujdesesh për gjërat më të shenjta të njeriut – shëndetin dhe jetën e tij,” tha ajo.
Personeli mjekësor dhe pacientet në spitalin “Acibadem Sistina” janë mbrojtur maksimalisht
Dilevska, thotë se infermierët janë personeli më i shumtë mjekësor që është i përfshirë drejtpërdrejt në “luftën” me Covid-19, me armikun e padukshëm më bashkëkohor dhe më të fortë me të cilin përballet njerëzimi që nga ekzistimi i tij.
“Njerëzimi kurrë nuk është përballur me një sfidë kaq të madhe për të vepruar shpejt dhe në mënyrë të bashkuar për të mirën e të gjithëve. Spitali Klinik “Acibadem Sistina” ngriti standardet e tij të kujdesit akoma kur u shpall epidemia nga koronavirusi në Kinë, ndërsa akoma para shpalljes së pandemisë filluam ta ndjekim situatën. Formuam shtabin e krizës që raporton çdo ditë për masat e ndërmarra dhe situatën në vend dhe botë”, thekson infermierja Dilevska.
Ajo tha se në fillim infermierët më shpesh parashtruan pyetjen a mjafton mbrojtjen personale që përdorin dhe nëse masat paraprake janë të përshtatshme për departamentet ku punojnë. Infermierja Dilevska thotë se ndjenja e sigurisë kolektive është një faktor i rëndësishëm në punën e infermierëve.
“Në takimet e punës së Komitetit për Parandalimin dhe kontrollin e infeksioneve intrahospitale, u morën vendime për përgatitjen e procedurave për punë me rastet e dyshimta ose të infektuarit me Covid-19 dhe për përdorimin e pajisjes për mbrojtje personale në varësi të nivelit të rrezikut. Me edukimet dhe kontrollet e vazhdueshme u mundësua që stafi gjithmonë të jetë i informuar për gjendjen e spitalit dhe shtetit, si edhe raporte ditore për përparimin e virusit në tërë botë. Situata me koronavirusin na mësoi për një gjë të pranishme tek çdo punonjës shëndetësor, dhe kjo është kujdesi jo vetëm për pacientët, por edhe për të gjithë në ekip”, tha Dilevska.
Roli i infermierëve është kryesor në periudhën e pandemisë nga koronavirusi. Përveç që përkujdesen për pacientët, gjithashtu në këto kushte të rënda japin mbështetjen më të madhe psikologjike. Humaniteti i profesionit në këto momente është edhe më i theksuar.
“Mjekët si shtylla në kujdesin shëndetësor vendosin parimet për trajtimin e pacientëve, por kujdesi i përgjithshëm dhe kontakti i drejtpërdrejtë me pacientët në përqindjen më të madhe të ditës kryhet nga ana e infermierëve. Rregulli themelor në “Acibadem Sistina” është se pacienti është gjëja më e rëndësishme dhe e drejta e shëndetit është e drejta themelore e njeriut. Standardet e larta për punë në spitalin tonë ofrojnë siguri në çdo sektor dhe jo vetëm për pacientët, por edhe për vizitorët dhe të gjithë punonjësit, pa përjashtim. Dita e punës së një infermiere është plot me profesionalizëm, përgjegjësi, aktivitete të shpejta dhe të sakta, por edhe emocione dhe ngjeshmëri. Çdo pacient është rast i ndryshëm, çdo pacient kërkon një qasje të veçantë, por çdo pacient është përgjegjësi e madhe për secilin person që e di se sa e vështirë është të jesh gjithmonë racional dhe profesional. Gjatë ditës sonë të punës, ne takojmë pacientë me nevoja të ndryshme mjekësore dhe infermierja nuk kujdeset vetëm për terapinë trupin e pacientit, por edhe për gjendjen e tij mendore. Ai segment i punës sonë na bën të veçantë, këtu krijojmë afërsinë me pacientin, të cilën vetëm një infermiere mund ta krijojë “, tha infermierja Dilevska.
Skafandrat dhe maskat nuk mund të fshehin energjinë pozitive dhe buzëqeshjen me të cilën infermierët luftojnë koronavirusin
Infermierja Dilevska u dërgon një mesazh të gjithë infermierëve që vetëm të bashkuar, me energji pozitive dhe profesionalizëm mund të arrijnë ta “kapërcejnë” këtë periudhë të vështirë, të trazuar dhe të pasigurt.
“Ne, infermierët, kemi” armën “më të fuqishme që gjithmonë bën të përballemi me të gjitha sfidat në profesionin tonë, dhe kjo është buzëqeshja jonë. As maskat mbrojtëse dhe as skafandrat nuk do të fshehin buzëqeshjen tuaj, dhe ndërsa sytë juaj do të jenë gjithmonë pasqyra e zemrës së madhe humane të infermieres. Mesazhin që infermierët po dërgojnë në pjesën tjetër të botës ka të bëjë me respektimin e masave dhe rekomandimeve të Organizatës Botërore të Shëndetësisë dhe ngritjen e ndërgjegjes kombëtare. Duke i respektuar masat e mbrojtjes, ne tregojmë respekt për çdo punonjës shëndetësor dhe respekt ndaj “luftës” së infermierëve kundër koronavirusit. Le ta urojmë ditën e infermierëve dhe ky vit i vështirë të na mësojë se profesioni ynë është më human dhe më i përgjegjshëm, sepse bëhet fjalë për jetën! “, thotë Dilevska.
Faqja jonë e internetit përdor biskota. Përveç atyre të domosdoshme, mund të përdorim biskota për funksionalitet, analitikë dhe marketing. Në fushën "Cilësimet", mund t’i zgjidhni biskotat, ndërsa duke klikuar "Pranoj", pajtoheni me përdorimin e të gjitha biskotave (cookies).
Ne i përdorim biskotat e nevojshme që janë të vendosura në aparatin tuaj për ta mundësuar funksionimin e drejtë të ueb- faqes. Përveç biskotave të nevojshme, nëse pajtoheni ne mund të vendosim edhe biskota për analitikë, funksionalitet dhe biskota për reklamim.
Biskotat që i përdor Spitali klinik “Acibadem Sistina” nuk ruajnë informacione (të dhëna personale), që mundësojnë identifikimin e përdoruesit si person fizik.
Ato janë të nevojshme për funksionim të drejtë të faqes dhe nuk mund të s’kyçen në sistemet tona. Zakonisht, ato vendosen vetëm si përgjigje të veprimeve të kryera nga ana juaj, që paraqet kërkesë për shërbime, siç janë vendosja e preferencave për privatësi ose plotësimin e formularëve në formën e kontaktit. Mund ta rregulloni shfletuesin që t’i bllokojë ose të japë paralajmërime për këto biskota, por me bllokimin e këtyre biskotave do të ndalohet puna e ueb-faqes. Këto biskota nuk ruajnë të dhënat personale.
Biskota analitike
Biskota që përdoren për të kuptuar se si vizitorëve komunikojnë me ueb-faqen. Këto biskota ndihmojnë që të sigurohen informacionet për numrin e vizitorëve, burimin e qarkullimit etj.
Biskota funksionale
Biskota që ndihmojnë të kryhen funksione si shpërndarja e përmbajtjes së ueb-faqes në mediumet sociale, mbledhja e informacioneve kthyese dhe karakteristikave të tjera nga anët e treta.
Biskota për marketing
Biskota që u mundësojnë vizitorëve reklama relevante (pr.sh Facebook). Këto kompani mund t’i përdorin dhe për të ndërtuar profilin e interesave tuaja dhe t’ju tregojnë reklama relevante nga faqet e tjera. Ato nuk i ruajnë drejtpërdrejt të dhënat personale, por bazohen në identifikim unik të shfletuesin tuaj dhe aparatin e internetit. Nëse nuk i lejoni këto biskota, do të përjetoni reklama më pak të synuara.
.jpg)
.png)
