Аџибадем Систина

ЕДУКАЦИЈА ЗА РОДИТЕЛИ: ПРАВИЛНА ПОЗИЦИЈА НА МЕШЕ И ВРТЕЊЕ КАЈ БЕБИЊАТА

29.10.2025

Во просториите на Клиничката болница „Аџибадем Систина“ се одржа уште една едукативна групна работилница за бебиња, посветена на темата „Позиција на меше и вртење“. Работилницата предизвика голем интерес кај новите родители, кои активно учествуваа и поставуваа прашања за правилниот моторен развој на своите најмали.

Под водство на магистер по физикална терапија во педијатрија, Дијана Мариновска, родителите имаа можност практично да научат како правилно се поставува бебето на меше, зошто оваа позиција е клучна за развојот на мускулатурата на вратот, грбот и рамениот појас, и како безбедно да се применува во секојдневната грижа. 
Работилницата се одвиваше во топла и интерактивна атмосфера, со многу насмевки и размена на искуства. Родителите заминаа дома со корисни совети и поголема самодоверба во грижата за своите бебиња, но и со подароци од нашите Acibadem Sistina Baby пријатели.
 
„Аџибадем Систина“ и понатаму ќе продолжи со организирање едукативни работилници и предавања, насочени кон поддршка на родителите и промовирање на здрав и правилен развој кај најмладите. 

Copyright © 2025 Developed by Unet All rights reserved.