Од 25 до 27 септември, во Белград се одржа 44. светски конгрес на SICOT (Интернационално здружение за ортопедска хирургија и трауматологија). Ден пред конгресот, на 24 септември, беше одржан интернационален курс за  политраума. Од Клиничката болница "Аџибадем Систина" на двата настана учествуваа проф. д-р Јордан Савески и д-р Неда Трајковска, како предавачи со по 3 предавања, а проф. Савески и како модератор на 3 научни сесии.

"Беше огромна чест и задоволство да се биде дел од ова огромно интернационално семејство. Присутни беа учесници од 95 земји. Имавме прилика да ги претставиме нашата болница и искуство пред мултинационален аудиториум, да развиеме дискусија и размена на мислења со експерти од областа. Се обновија стари и се создадоа нови пријателства, се разменија контакти и се создадоа нови мостови за идна соработка. Присуството, уште повеќе активното учество на вакви настани е мерило за достигнатото ниво, успехот на нашиот тим и држење чекор со брзиот развој на полето на трауматологијата и ортопедијата" - објаснуваат проф. Савески и д-р Трајковска за учеството на конгресот.