СИМУЛАЦИЈА: ПО ЗЕМЈОТРЕСОТ „АЏИБАДЕМ СИСТИНА“ СЕ СПРАВИ СО ДВА ПОЖАРИ

30.09.2019

Во Клиничката болница „Аџибадем Систина“ се одржа симулациска вежба на тема „Згрижување и евакуација на болни, повредени, посетители и персонал на безбедно место, прва медицинска помош, противпожарна заштита и справување со елементарни непогоди“.

Целта на вежбата беше да се провери нивото на обученост на персоналот за справување со елементарни непогоди, пожар и евакуација по настаната вонредна состојба.

Се симулираше справување со последиците од земјотрес со јачина од 5,2 степени што го погодил град Скопје, а кој бил почувствуван и во болницата по што се создала и паника. Дополнително, како последица од земјотресот, според симулацијата, настанале пожари кај разводните табли за три операциони сали во едната зграда и во болничката кујна на 7. кат во другата зграда. Настанатите пожари можело да предизвикаат опасност од можно проширување кон другите делови на Клиничката болница „Аџибадем Систина“ со што би можеле да доведат до загрозување на животите на пациентите, посетителите и вработените во болницата.

Во вежбата беа вклучени околу 70 лица од болницата, дополнително со помош од Дирекцијата за заштита и спасување, како владино тело кое е одговорно за спроведување вежби, и со вклучена единица на противпожарната екипа на град Скопје.

„Нашата болница покажа во овие симулации дека може да се справи во вакви ситуации. Овие елементарни непогоди не можеме да ги предвидиме, ниту можеме да го предвидиме интензитетот. Веќе седум години работиме на оваа проблематика, а опремата што ја имаме во моментот и обученоста што ја поседува персоналот даваат една гаранција за успешно справување со вакви вонредни настани“, изјави Марјанчо Јаневски, командир на единица за заштита и спасување.

Клиничката болница „Аџибадем Систина“ редовно прави симулациски вежби за справување со пожари, а обученоста на персоналот и меѓународно усвоените стандарди, како „црвениот код“, потврдуваат за подготвеноста на болницата во вакви ситуации.

Вежбата се одржа во саботата, на 28 септември годинава.

Неопходни колачиња

Потребни за правилно функционирање на страната и не можат да се исклучуваат во нашите системи. Тие обично се поставуваат само како одговор на постапките направени од вас, што претставува барање за услуги, како што се поставување на преференциите за приватност или пополнување формулари во контакт-формата. Може да го поставите прелистувачот да ги блокира или да предупредува за овие колачиња, но блокирањето на овие колачиња ќе спречи да работи интернет-страницата. Овие колачиња не зачувуваат никакви лични податоци.

Аналитички колачиња

Колачиња кои се користат за да се разбере како посетителите комуницираат со интернет-страницата. Овие колачиња помагаат да се обезбедат информации за бројот на посетители, изворот на сообраќај итн.

Колачиња за функционалност

Колачиња кои помагаат да се извршат одредени функционалности како споделување на содржината на интернет-страницата на социјалните медиуми, собирање повратни информации и други карактеристики на трети страни.

Колачиња за рекламирање

Колачиња кои на посетителите обезбедуваат релевантни реклами (пример Facebook). Тие компании може да ги користат за да изградат профил на вашите интереси и за да ви покажат релевантни реклами од други страници. Тие не складираат директно лични информации, но се засноваат на уникатно идентификување на вашиот прелистувач и интернет-уред. Ако не ги прифатите овие колачиња, ќе искусите помалку насочено рекламирање.

Ги прифаќам сите колачиња Ги прифаќам само неопходните колачиња Потврди го изборот

Политика за колачиња

Новости

СИМУЛАЦИЈА: ПО ЗЕМЈОТРЕСОТ „АЏИБАДЕМ СИСТИНА“ СЕ СПРАВИ СО ДВА ПОЖАРИ

Најнови објави

Контакт информации