Од 21 до 24 мај во Порторож, Словенија, се одржа Вториот конгрес на Здружението на словенечки дерматовенеролози – значаен меѓународен настан што обедини врвни експерти, специјалисти и професионалци од областа на дерматовенерологијата од регионот и пошироко.

 

На конгресот свое активно учество со стручно предавање имаше и дерматовенерологот, проф. д-р Андреј Петров, кој пред присутните ја презентираше темата „Комбинација од радиофреквентни микроигли и интензивна пулсирачка светлина (ИПС) во третманот за затегнување и осветлување како алтернатива за хируршки лифтинг на лице“, посветена на современите неинвазивни естетски третмани и нивната примена во подмладувањето и регенерацијата на кожата.