Во време кога глобалната неизвесност веќе не е апстрактен поим, туку реалност што секојдневно ја живееме, менталното здравје сè уште останува едно од најпотценетите прашања на нашето време.

 

Во авторскиот текст на м-р доктор Верица Малинкова-Димовска, специјалист по психијатрија, со наслов „Тивки последици: Менталното здравје во ерата на глобална неизвесност“, објавен во реномираниот магазин "Brussels Morning", се отвора важно прашање – која е психолошката цена на кризите, нестабилноста и континуираниот притисок со кој се соочуваат луѓето денес?

 

Оваа колумна е повик за поголема свесност, разбирање и акција. Време е менталното здравје да престане да се третира како маргинална тема и конечно да го добие местото што го заслужува – како суштинско општествено и политичко прашање.