Неколку години по ред, студентите од Меѓународниот Балкански Универзитет – Висока медицинска школа, од отсеците дипломирана медицинска сестра/техничар и дипломирана акушерка, ја реализираат својата практична настава и феријална пракса во Клиничката болница „Аџибадем Систина“.
И оваа година, околу 100 студенти ќе имаат можност да ја посетат болницата, каде што, под менторство на искусни медицински сестри и акушерки, ќе се запознаат со современите стандарди на работа во високо акредитирана здравствена установа, која функционира според светски медицински практики.
Студентите, кои се од прва, втора и трета година, најпрво ќе поминат низ процес на клиничка ориентација, по што ќе започнат со практични клинички вежби. Тие ќе бидат вклучени во работата на сите оддели и одделенија во болницата, со што ќе стекнат драгоцено практично искуство и знаења.
Оваа соработка претставува значаен чекор во нивниот професионален развој, овозможувајќи им директен увид во современото здравство и подготовка за идната кариера.
Клиничката болница „Аџибадем Систина“ е секогаш отворена за соработка, размена на знаења и унапредување на медицинската пракса. Таа активно придонесува во едукацијата на младите студенти и медицински кадар, овозможувајќи им стекнување нови знаења и вештини преку практична работа и менторство.
Copyright © 2026 Developed by Unet All rights reserved.
